Вёска з назвай Крыўка.
Савет дэпутатаў Пастаўскага раёна Віцебскай вобласці скасаваў вёску Крыўка Варапаеўскага сельсавета. Адпаведнае рашэнне мясцовы орган улады прыняў 22 верасня, а 9 кастрычніка яно ўступіла ў сілу, піша Blizko.by.
З 15 жніўня па 14 верасня ўлады вывучалі меркаванні грамадзян наконт магчымага скасавання Крыўкі. Паведамленне пра гэта апублікавалі на сайце Пастаўскага райвыканкама і ў раённай газеце. Аднак за месяц ніякіх зваротаў па гэтым пытанні не паступіла.
Дакладная дата заснавання вёскі невядомая, але яна ўжо існавала ў 1921 годзе: паводле Рыжскай мірнай дамовы населены пункт разам з астатняй Заходняй Беларуссю ўвайшоў у склад Польшчы. Ужо тады Крыўка не ўражвала сваімі памерамі і больш нагадвала хутар: у чатырох дварах жылі 25 чалавек. А ў 1999 годзе, ужо ў незалежнай Беларусі, у ёй налічвалася ўсяго сем жыхароў.
Гэта ўжо 20‑ы выпадак скасавання беларускага населенага пункта ў 2026 годзе.
Па стане на 1 студзеня 2026 года ў Беларусі налічвалі 22 972 вёскі, значыць, іх засталося 22 952.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне23
Каментары