З 1 студзеня 2027 года ў Беларусі зменіцца пералік прафесій, на якія можна наймаць іншаземцаў і асоб без грамадзянства, што не маюць дазволу на пастаяннае жыхарства ў краіне, паводле спрошчанай працэдуры. Адпаведную пастанову Міністэрства працы і сацыяльнай абароны апублікавалі на Нацыянальным прававым інтэрнэт-партале.
У 2025 годзе ў пераліку было 41 рабочая прафесія і 18 пасад службоўцаў. На 2026 год яго скарацілі да 29 рабочых прафесій і 18 пасад службоўцаў. У 2027 годзе спіс зноў зменіцца: у ім будзе 31 рабочая прафесія і 16 пасад службоўцаў.
Сярод змен у пераліку рабочых прафесій — замест кіроўцы ўключылі кіроўцу аўтамабіля і кіроўцу пагрузчыка. Са спісу выключылі манцёра пуці, але дадалі аператара птушкафабрык і механізаваных фермаў, а таксама трактарыста.
У пераліку пасад службоўцаў больш не будзе акушэраў і фельчараў.
Пры найманні іншаземцаў на прафесіі і пасады, уключаныя ў пералік, працадаўцу дастаткова паведаміць пра гэта органам унутраных спраў. У астатніх выпадках неабходна атрымаць спецыяльны дазвол і даказаць, што вакансію немагчыма запоўніць грамадзянамі Беларусі або іншаземцамі, якія маюць пастаянны дазвол на жыхарства.
У ліпені Міністэрства ўнутраных спраў прапаноўвала ўключыць у пералік дэфіцытных спецыяльнасцяў дактароў-інтэрнаў, правізараў і прадстаўнікоў некаторых іншых прафесій. Аднак пакуль гэтыя спецыяльнасці ў спіс не ўвайшлі.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне23
Каментары