Крысту Пайк, якую няўдала спрабавалі пакараць смерцю, выпісалі з бальніцы і вярнулі ў турму
У ЗША Крысту Пайк, асуджаную да смяротнага пакарання, выпісалі з бальніцы пасля няўдалай спробы выканаць прысуд у канцы верасня. Пра гэта паведамілі яе адвакаты, піша Бі-бі-сі.
50‑гадовую жанчыну вярнулі ў турму, дзе яна правяла апошнія 30 гадоў. Там яна працягвае атрымліваць неабходную медыцынскую дапамогу.
30 верасня Пайк выжыла пасля дзвюх ін’екцый смяротнай дозы пентабрабіталу. Пасля гэтага яе ў цяжкім стане шпіталізавалі. Раней на гэтым тыдні жанчына апрытомнела і пачала размаўляць, чым здзівіла медыкаў, экспертаў і сваіх адвакатаў. Паводле абаронцаў, першымі яе словамі былі: «Дзе я?» і «Хто вы?»
У заяве адвакатаў гаворыцца, што Пайк удзячная супрацоўнікам экстранных службаў і медыцынскай брыгадзе за дапамогу ў гэтых надзвычайных абставінах.
Гэты выпадак называюць беспрэцэдэнтным: лічыцца, што Пайк стала адзіным чалавекам, які выжыў пасля спробы пакарання смерцю шляхам увядзення смяротнай ін’екцыі.
На судовым пасяджэнні ў сераду памочнік генеральнага пракурора штата Тэнэсі Уіл Эерс паведаміў суддзі, што не ведае, ці збіраюцца ўлады прызначаць новую дату пакарання.
Суддзя таксама абавязаў улады штата захаваць усе доказы, звязаныя з няўдалай спробай пакарання. Гэтыя матэрыялы могуць быць выкарыстаныя ў будучым судовым пазове супраць штата.
Пайк было 18 гадоў, калі яна разам са сваім тагачасным хлопцам Тадарам Шыпам збіла, катавала і забіла 19‑гадовую Колін Слемер. Яны пазнаёміліся ў навучальным цэнтры для маладых людзей з малазабяспечаных сем’яў.
Асуджаная на смерць Крыста Пайк, якая перажыла дзве смяротныя ін'екцыі, апрытомнела
Няўдалая спроба пакарання смерцю Крысты Пайк. Што адбылося і што будзе далей?
Жанчына з Тэнэсі выжыла пасля дзвюх смяротных ін'екцый падчас пакарання смерцю і была дастаўлена ў бальніцу
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары