У Мінску 13‑гадовую школьніцу махляры прымусілі вынесці з дому бацькоўскія зберажэнні
Спачатку падставай для камунікацыі стала знаёмства ў сацыяльных сетках: дзяўчынцы прапанаваў сябраваць нібыта аднагодак з Санкт-Пецярбурга.
Каб знайсці больш тэм для размовы, ён папрасіў геалакацыю найлепшага гандлёвага цэнтра ў горадзе, паведамляе тэлеграм-канал «Міліцыя Беларусі»
Пасля таго як школьніца даслала месцазнаходжанне, ёй прыйшло відэапаведамленне з вайскоўцам у камуфляжы. Затым патэлефанаваў мужчына, які прадставіўся следчым.
Ён паведаміў, што дзяўчынка перадала каардынаты замежным спецслужбам і цяпер яе будуць судзіць за здраду дзяржаве.
Запалохаўшы малую дзяўчынку, яе прымусілі ўключыць відэазванок і пад наглядам ілжэсілавіка абшукаць кватэру. Калі знайшлі бацькоўскія грошы, запатрабавалі перадаць іх кур’еру для праверкі.
Паабяцалі, што праз 20 хвілін усё вернуць. Пасля гэтага махляры проста перасталі выходзіць з падлеткам на сувязь.
Дзяўчынка некалькі дзён хавала здарэнне ад бацькоў, баючыся ўцягнуць іх у злачынства. І толькі праз некаторы час прызналася ва ўсім маці.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Сумна гэта ... Бацькам "незачот" :)) І школе таксама.