Трэці армейскі корпус і прыдадзеныя падраздзяленні вызвалілі яшчэ тры населеныя пункты — Зялёную Даліну, Ліпавае і Калодзязі, — паведаміў у сваім звароце брыгадны генерал Андрэй Білецкі.
Аперацыя, якая пачалася з ліквідацыі расійскай інфільтрацыі, перарасла ў маштабны контрнаступ.
«Мы не далі праціўніку абысці Славянска-Краматарскую агламерацыю з флангаў і ўзяць яе ў абцугі, а таксама абаранілі трасу Харкаў — Славянск. Праціўнік не змог перарэзаць ключавую лагістычную артэрыю нашай групоўкі на Данбасе. Мы сарвалі наступ групоўкі «Запад» і прымусілі яе перакідваць частку падраздзяленняў 1‑й танкавай арміі, што аслабіла ціск на Купянск-Вузлавы», — заявіў Андрэй Білецкі.
За час аперацыі пад кантроль Украіны вярнулі 16 вёсак і вызвалілі 277 км².
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары