«Я не кажу, што гэта мэта нашых партнёраў. Я не хачу думаць, што нашы амерыканскія партнёры вераць, што вайну можна скончыць хутчэй за кошт Украіны. Але гэта так выглядае».
Прэзідэнт Украіны Уладзімір Зяленскі ў інтэрв'ю Bloomberg закрануў адносіны з амерыканскай адміністрацыяй.
Зяленскі расказаў, што ў адказ на патрабаванне Трампа спыніць удары па расійскіх НПЗ выказаў сустрэчную прапанову.
«Мая апошняя мадэль была такой: мы не чапаем расійскае дызпаліва, вы даяце нам ракеты для сістэм Patriot для абароны нашых аб'ектаў. Але яны хочуць, каб мы проста спынілі атакі на дызпаліва. І калі мы ўдарым, яны нам што-небудзь адключаць».
«Я лічу, што былі зроблены крокі, каб прымусіць Украіну да капітуляцыі, — сказаў Зяленскі. — Я не кажу, што гэта мэта нашых партнёраў. Я не хачу думаць, што нашы амерыканскія партнёры вераць, што вайну можна скончыць хутчэй за кошт Украіны. Але гэта так выглядае».
Зяленскі таксама заявіў, што ЗША затрымліваюць пастаўкі ракет-перахопнікаў для сістэм супрацьпаветранай абароны Patriot, якія выкарыстоўваюцца для знішчэння расійскіх балістычных ракет, што наносяць найбольшую шкоду інфраструктуры ўкраінскіх гарадоў.
Цяпер ЗША пастаўляюць ва Украіну толькі 12 ракет-перахопнікаў Patriot на месяц, што складае прыкладна чвэрць ад тэмпаў пры адміністрацыі Джо Байдэна. Пры Трампе ЗША прадаюць гэтыя ракеты Украіне, тады як Байдэн прадастаўляў іх бясплатна ў якасці ваеннай дапамогі.
Зяленскі выказаўся таксама пра Пуціна.
«Я думаю, што ў прэзідэнта ЗША сапраўды добрыя адносіны з Пуціным, — сказаў Зяленскі. — Але тут штосьці не працуе. На гэты момант Трамп не можа прымусіць Пуціна спыніць вайну».
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары