Магілёвам будзе кіраваць новы чалавек
Пасаду старшыні гарвыканкама зойме кіраўнік адміністрацыі Ленінскага раёна Магілёва Уладзімір Цумараў.
Уладзімір Цумараў
Прызначэнне сёння павінны зацвердзіць Лукашэнка, сказалі ў Адміністрацыі Ленінскага раёна.
«Сёння кадравы дзень у прэзідэнта і пасля гэтага ўжо можна будзе павіншаваць [Уладзіміра Цумарава з прызначэннем]», -- сказалі там.
Паводле інфармацыі Еўрарадыё, цяперашні старшыня гарвыканкама Магілёва Станіслаў Барадаўка неаднаразова выказваў жаданне пакінуць пасаду. Гэта жаданне ўлічвалася падчас абмеркавання пытання змены магілёўскага кіраўніка.