Аўтамабілі трэба пераабуць у зімовую гуму да першага снегу
Першы снег чакаецца ў аўторак або сераду, таму справай трэба заняцца на гэтых выхадных.
Акрамя замены рызіны, варта праверыць спраўнасць тармазоў, фар, шклоачышчальнікаў, прыладаў абагравання і абдзімання шкла. Любыя хібы павялічваюць рызыку здарэння.
Таксама памятайце пра тое, што ў снежныя і марозныя дні хуткасць руху на дарогах зніжаецца, таму трэба выязджаць на працу і вучобу загадзя, каб не перавышаць бяспечную хуткасць руху.
Стрыманы стыль кіравання на вільготнай і заледзянелай дарозе апраўдвае сябе. Варта ўнікаць выезду на паласу сустрэчнага руху, рэзкіх разгонаў і тармажэнняў.
Пешаходам жа варта памятаць, што аўтамабіль нельга спыніць імгненна. Тармазны шлях на снезе павялічваецца, машыну часта нясе або заносіць.
У шчаслівую дарогу!