ЗША, ЕС знялі санкцыі з Ірана, іранская нафта зноў трапіць на рынкі
Іран прыпыніў узбагачэнне ўрану. У адказ, згодна з дамоўленасцямі, ЕС і ЗША прыпыняюць частку санкцый супраць Ісламскай Рэспублікі.
Знятыя забароны на аперацыі з іранскімі нафтай і золатам, а таксама на страхаванне паставак з Ірана. Гэта дасць Ірану крыніцу валюты, без якой краіна перажывала эканамічны крызіс.
Санкцыі на асобы і прадпрыемствы, звязаныя з Корпусам вартавых ісламскай рэвалюцыі, застаюцца ў сіле.
Як чакаецца, пастаўкі нафты з Ірана прывядуць да падзення цэнаў на сусветным рынку. Калі гэта здарыцца, гэта паўплывае і на беларускую эканоміку.