«Беркутавец», які выставіў відэа з аголеным дэманстрантам: «Украина для русских!»
На ўкраінскім сайце argumentua.com выкладзены матэрыялы з вэб-старонкі байца падраздзялення «Беркут» з Херсона, Дзмітрыя Усатава, які выставіў відэа са здзекамі з аголенага дэманстранта.
Вось відэа з дэманстрантам, якое баец размясціў на сваёй старонцы Укантакце.
А вось карцінкі, якія ён змяшчаў раней:
«Наши предки знали как нужно решать проблемы с насильственной евроинтеграцией». «Украина для Русских!» — так падпісаныя ў яго гэтыя фоты.
«Мы не пропагандируем нацизм, фашизм, шовинизм — Мы просто выражаем своё мнение! Страница создана против Украины, как самостоятельного государства», — піша Усатаў.
«1. Украина никогда не была самостоятельным государством ибо расшифровывается, как край России.
2. Украина не может иметь национального языка т.к язык паросятины, это язык не для людей, — піша Усатаў і працягвае:
4. Украина является частью западного федерального округа.
5. Украина не является самостоятельным государством т.к полностью зависит от соседних государств и ведет паразитическую деятельность», — сцвярджае ён.
Паводле апошніх звестак, з голага пратэстоўца здзекваліся спецназаўцы не з «Беркута», з іншага міліцэйскага падраздзялення — «Амега» з Новых Пятроўцаў. Апазнаў іх былы кіраўнік міліцыі Кіева Віталь Ярэма. «Амега» закліканая выконваць функцыі па барацьбе з тэрарызмам і арганізаванай злачыннасцю.
Старонка байца Усатава паказвае, на якія сілы абапіраецца Віктар Януковіч у барацьбе з палітычнымі праціўнікамі.
Нагадаем, што ўчора ў інтэрнэт трапіла відэа, як міліцыянты здзекваюцца з добраахвотніка 4-й казацкай сотні самаабароны Майдану Міхаіла Гаўрылюка — селяніна з Чарнавецкай вобласці. Яго прымушалі голым пазіраваць на вуліцы ў мароз. Відэа выклікала шок і абурэнне ва Украіне.