У пятніцу — прэзентацыя кнігі Змітра Дашкевіча «Чарвяк»
21 сакавіка Зміцер Дашкевіч прэзентуе зборнік турэмных твораў. З гэтай кнігай Зміцер стаў фіналістам сёлетняй літаратурнай прэміі «Дэбют» імя Максіма Багдановіча.
У пятніцу ў Мінску а 18:00 на сядзібе БНФ адбудзецца прэзентацыя кнігі Змітра Дашкевіча «Чарвяк». У зборнік увайшлі творы, напісаныя у турмах і калоніях з 2006 па 2013 гады.
Кніга выйшла ў Вільні. Выданне з цвёрдай вокладкаю змяшчае 164 старонкі мастацкай прозы.
Адрас сядзібы БНФ у Мінску: вул. Чарнышэўскага, 3-39.