Кітай прайграў спрэчку ў СГА пра рэдказямельныя элементы
Сусветная гандлёвая арганізацыя падтрымала прэтэнзіі Японіі, ЕС і ЗША да Кітая адносна экспарту рэдказямельных элементаў, вальфраму і малібдэну.
Падаўцы скаргі сцвярджалі, што КНР штучна абмяжоўвае экспарт, забяспечваючы сваім вытворцам электронікі і бытавой тэхнікі «прэміяльны» доступ да здабытых элементаў.
У Брусэлі, Вашынгтоне і Токіа расцанілі гэта як пратэкцыянізм.
Кітай раней сцвярджаў, што такім чынам ён хацеў захаваць запасы металаў, аднак у СГА вырашылі, што гэтыя меры толькі давалі перавагі індустрыі КНР.
Гандлёвы прадстаўнік ЗША Майкл Фроман адзначыў, што Вашынгтон гатовы бараніць інтарэсы высакакласных спецыялістаў на амерыканскай тэрыторыі.
У Кітаі знаходзяцца самыя буйныя разведаныя на сушы радовішчы рэдказямельных металаў.