У Азербайджане адбываюцца масавыя арышты праваабаронцаў
30 чэрвеня была арыштаваная самая вядомая азербайджанская праваабаронца — Лейла Юнус. Ёй выстаўленыя цяжкія абвінавачванні: у дзяржаўнай здрадзе, махлярстве, незаконным прадпрымальніцтве, фальшаванні дакументаў і сыходзе ад падаткаабкладання. Абвінавачванні выстаўленыя і яе мужу Арыфу Юнусу.
Юнус узначальвала Інстытут міру і дэмакратыі, які, сярод іншага, займаўся наладжваннем кантактаў між Азербайджанам і Арменіяй.
2 жніўня быў арыштаваны праваабаронца Расул Джафараў, кіраўнік цэнтра «Мастацтва за дэмакратыю».
Яшчэ раней, у маі, на пяць гадоў турмы па тых самых абвінавачваннях, што і Джафараў, быў асуджаны Анар Мамадлі, кіраўнік цэнтра, што займаўся назіраннем на выбарах.
Сітуацыя з правамі чалавека ў Азербайджане застаецца нягоднай. Краінай кіруе аўтарытарны прэзідэнт Ільхам Аліеў, які атрымаў уладу пасля свайго бацькі, Гейдара Аліева.