Ідзе набор на падрыхтоўчыя курсы ў Ліцэй БДУ
Ліцэй БДУ — элітная ўстанова сярэдняй адукацыі. Там існуюць фізіка-матэматычнае, хіміка-біялагічнае, гістарычна-грамадазнаўчае, філалагічнае аддзяленні.
Ліцэй дае напраўдзе добрую адукацыю. Як сведчыць статыстыка, ягоныя выпускнікі маюць выдатныя вынікі цэнтралізаванага тэставання.
У апошнія гады конкурсы ў Ліцэй БДУ выраслі, канкурэнцыя моцная. Шанцы на паступленне павышае навучэнне на платных курсах пры Ліцэі. Каштуюць яны 3—4 мільёны за паўгоддзе, у залежнасці ад спецыяльнасці. Прымаюць на іх як вучняў 8-га, так і 9-га класаў. У Ліцэй набіраюць пасля 9-га класа.
Як паведамілі «Нашай Ніве» ў Ліцэі, ужо 17 жніўня, у першы дзень набору, большасць месцаў на курсах аказалася запоўненая. Таму ахвотным трэба спяшацца.