10 тысяч чалавек выйшлі ў Маскве на мітынг «За змяняльнасць улады», Навальны абвінаваціў Пуціна
Мерапрыемства не далі правесці ў цэнтры, адправілі ў спальны раён.
Фота Яўгена Фельдмана, «Новая газета».
Каля 10 тысяч чалавек сабралася ў Маскве на масавы мітынг з патрабаваннем дэмакратыі. На ім выступілі лідары расійскай апазіцыі.
Аляксей Навальны ў сваёй прамове назваў прызначанага Уладзімірам Пуціным кіраўніка Чачні Рамзана Кадырава заказчыкам забойства расійскага апазіцыйнага палітыка Барыса Нямцова. Навальны заявіў, што гэта, магчыма, было зроблена на замову Пуціна.
Афіцыйнае следства ў Расіі яшчэ не прывяло да суда.