«Вечерній Могілёв» патлумачыў, ці можна біць геяў
У скандальна вядомай газеце «Вечерній Могілёв» выйшла новая публікацыя, прысвечаная пытанню гомасэксуалістаў. На гэты раз выданне тлумачыць як трэба дзейнічаць, калі бачыш двух геяў, якія цалуюцца. Выданне прыраўнівае гэта да адміністратыўнага, а то і да крымінальнага артыкула «Хуліганства». Натуральна, што ніякага юрыдычнага абгрунтавання гэтыя парады не маюць. Сайт naviny.by паведамляе, што пад псеўданімам Вікторыя Карпава друкуецца галоўная рэдактарка «Вечернего Могілёва» Надзея Леўчанка.