3 траўня — творчы вечар Эдуарда Акуліна ў Доме літаратара
3 траўня ў сталічным Доме літаратара адбудзецца творчая вечарына паэта і барда Эдуарда Акуліна пад назовам «Бой з сабой».
У імпрэзе бяруць удзел: Радзім Гарэцкі, Леанід Дайнека, Міхась Скобла, Рыгор Сітніца, Алесь Бяляцкі.
Увесь вечар на сцэне: гурт «Navi», народны ансамбль «Пліса» пад кіраўніцтвам Кастуся Герашчанкі, Кацярына Ваданосава і яе аркестр, Аляксей Галіч.
Вядоўца вечарыны Міхась Скобла.
Ласкава запрашаем усіх прыхільнікаў беларускай паэзіі і песні. Першым пяці гасцям — кнігі з аўтографам аўтара ў падарунак!
Пачатак — а 19-ай гадзіне. Уваход вольны.