Ад аўчаркі да Паўлічэнкі
Пасьля «Чаклуна і Румбы» - «Крапавы барэт»
Кар'ерны рост рэжысэра Голубева.
Год таму сцэнар Аляксандра Дэбалюка “Крапавы барэт” атрымаў трэцяе месца на конкурсе кінастудыі “Беларусьфільм”. Гэта стужка пра прыгоды зухаў-спэцназаўцаў, а крыніцаю натхненьня паслужыў Дзьмітры Паўлічэнка.
Спачатку студыя спасылалася на брак грошай – і здымкі карціны адсоўваліся. Але стала вядома, што рэжысэр Андрэй Голубеў ужо прыступіў да працы над чатырохсэрыйным фільмам. "Крапавы барэт" рэклямуецца, як "першы айчынны прыгодніцкі баявік", а здымкі мусяць праходзіць на Каўказе і Беларусі. На сайце кінастудыі Голубеў прызнаецца: “Гэта будзе дынамічны фільм зь вялікай колькасьцю складаных здымак”.
Андрэй Голубеў – выхаванец Міхаіла Пташука. Дэбютная стужка Голубева “Чаклун і Румба” – мэлядрама пра патрыятычнага сапёра і ягоную аўчарку – вылучаецца неахайнымі здымкамі і патасным стылем.
На фота: Андрэй Голубеў падчас здымак "Чаклуна і Румбы" Фатаграфія з сайту naviny.by