Дождж будзе ліць пяць дзён! І далей не лепш, кажуць сіноптыкі
Прагнозы метэаролагаў несуцяшальныя для людзей, але радасныя для руні: моцныя дажджы будуць ісці ў Беларусі яшчэ каля пяці дзён.
Тэмпература будзе трымацца запраўды кастрычніцкая: ад 6 да 11 градусаў. Месцамі ў ясныя ночы слупок тэрмометра будзе апускацца да 1—3 градусаў.
У другой дэкадзе месяца сінопыткі прагназуюць пагодныя дзянькі, але ўжо халодныя — ад 0 да 10 градусаў, з прымаразкамі. Другога бабінага лета больш не чакаецца.