Па пятніцах у чатыры мінскія музеі можна хадзіць бясплатна
Да канца года ў Мінску будзе праходзіць акцыя «Мастацтва захоўваць», якую ладзіць «БПС-Сбербанк»: кожную пятніцу ад 18 лістапада па 30 снежня ў чатыры мінскія музеі можна хадзіць без капейкі ў кішэні. Пра гэта піша kaktutzhit.by.
Нацыянальны мастацкі музей. Фота static.panoramio.com
Музеі, дзе будзе вольны ўваход:
- Нацыянальны мастацкі музей (вул. Леніна, 20): ад 11.00 да 19.00.
- Нацыянальны гістарычны музей (вул. К. Маркса, 12): ад 11.00 да 18.30.
- Галерэя сучаснага мастацтва «Галерэя ДК» (вул. Герцэна, 2а): ад 12.00 да 20.00.
- Музей гісторыі тэатральнай і музычнай культуры (зав. Музычны, 5): ад 10.00 да 17.30.