Рэжысёр Андрэй Курэйчык прадае катэдж пад Мінскам за $93 тысячы — ФОТЫ недаробленых інтэр'ераў
Хіба не найвядомейшы з сучасных беларускіх рэжысёраў — Андрэй Курэйчык, — прадае сваю хату пад Мінскам.
Што там за хата? Як кажа Курэйчык, 17 хвілін ад Мінска ў бок Койданава, 22 соткі, 360 квадратных метраў, шэсць пакояў і два туалеты, цёплыя падлогі па ўсім першым паверсе.
Хата яшчэ недаробленая, скончаная толькі чарнавая аддзелка: трэба зрабіць плітку, паставіць сантэхніку, паклеіць шпалеры.
«Аддаю нядорага», — кажа Курэйчык.
Ён хоча за гэты дом 185 тысяч рублёў, гатовы гандлявацца, мяняцца і даваць растэрміноўкі.