Найбагацейшы паляк гатовы інвэставаць у Беларусь
Польская кампанія «Кульчык Холдынг» прапануе свой удзел у будове вугальнай электрастанцыі ў Беларусі.
Праект ацэньваецца на суму каля 1 мільярдаў даляраў. Плянуецца, што часткова станцыя будзе працаваць менавіта на польскім вугалі.
Уладальнікам фірмы «Кульчык Холдынг» зьяўляецца паляк Ян Кульчык, які ў апошніх польскіх рэйтынгах заняў першае месца сярод найбагацейшых асоб краіны.
Папярэдняя дамоўленасьць, датычная вугальнай станцыі, была дасягнутая паміж Міністэрствам эканомікі Беларусі й польскай кампаніяй на беларускім інвэстыцыйным форуме ў Лёндане.