Новая серыя Жыгамонта: вёска Пукава на Капыльшчыне ВІДЭА
Юрый Жыгамонт скіраваўся на старажытную Капыльшчыну — у колішні маёнтак Пукава.
За саветамі вёска Пукава атрымала назву «Камсамольскае». А ў 1510 годзе Пукава было цэнтрам воласці ў Капыльскім княстве і належала спачатку князям Алелькавічам, потым — князям Радзівілам. У ХІХ ст. вёска стала ўласнасцю знакамітага шляхецкага роду Наркевічаў-Ёдкаў. У Пукаве захаваліся рэшткі царквы, пабудаванай у 1857 г., і старыя могілкі.