Апублікаваная песня Фрэдзі Мэрк'юры, якая лічылася страчанай ВІДЭА
Студыя Universal апублікавала нявыдадзеную версію песні Time Waits For No One, якую Фрэдзі запісаў у 1986 годзе для альбома Time. Кампазіцыя грала ў аднайменным мюзікле Дэйва Кларка, сябра Мэрк'юры.
Яшчэ не прайшло і двух дзён, а відэа на ютубе ўжо сабрала больш за 3 мільёны праглядаў.
Любіце музыку? Шукайце квіткі на канцэрты на Afisha.nn.by
Арыгінальная версія песні гучыць як класічная рок-опера ад Queen, а ў версіі ў выкананні Мэрк'юры, якая доўга лічылася страчанай, ёсць толькі клавішы і вакал.
Дэйв Кларк распавёў, што запіс быў зроблены праз некалькі месяцаў пасля канцэрту Queen на Live Aid. На яго пошукі сышло амаль 10 гадоў, яшчэ два гады — на апрацоўку.