Сын Алена Дэлона распавёў пра стан бацькі пасля інсульту
Фота з Вікіпедыі
Французскі акцёр Ален Дэлон пачуваецца лепш пасля перанесенага некалькі тыдняў таму інсульту. Пра гэта паведаміў сын артыста Ален-Фаб'ен Дэлон у інстаграме.
«Дзякуй за вашы шматлікія паведамленні, якія кранулі маё сэрца. Як вы можаце бачыць, яму ўсё лепее, і ён вас цалуе», — напісаў сын акцёра.
14 чэрвеня Дэлон быў дастаўлены ў медыцынскую ўстанову Нэйі-сюр-Сен у прыгарадзе Парыжа. Яго шпіталізавалі з-за прыступаў мігрэні. Пазней яго старэйшы сын Антані Дэлон паведаміў, што артыст перанёс інсульт і аднаўляецца ў адной са швейцарскіх клінік.