Мінадукацыі і Мінздароўя: Каранцін у ВНУ немэтазгодны
Пра гэта паведаміў на прэс-канферэнцыі ў Мінску начальнік галоўнага ўпраўлення вышэйшай адукацыі Мінадукацыі Сяргей Каспяровіч.
«На сёння ўвядзенне каранціну ў ВНУ неабходнасці няма», — сказаў Каспяровіч.
Міністр Уладзімір Каранік дадаў, што дыстанцыйнае навучанне не апраўдала сябе на прыкладзе БНТУ. «Студэнты ўзялі і раз'ехаліся па бацьках», — сказаў ён.
«Калі ў вас у Мінску возьмуць тэсты, вы хутка атрымаеце вынік. А калі з'едзеце, то гэта зацягнецца. Студэнты ўзялі і паехалі да сваіх бабуль і дзядуль, што дыяметральна супярэчыць рэкамендацыям».