«Сямёнаўна, нам хутка ўсім пі***!» АНТ запусціла правакацыйную рэкламу ВІДЭА
На тэлеканале АНТ пачалі паказваць сацыяльную рэкламу, у якой папярэджваюць, што паніка небяспечнейшая за каранавірус.
У роліку пажылая жанчына размаўляе з сяброўкай па тэлефоне, пачынае панікаваць з-за знікнення прадуктаў у краме, выбухае як шарык і знікае.
Гледачам паведамляюць, што паніка забівае.
«Паніка — гэта стрэс, які прыводзіць да знясілення арганізма і робіць яго больш адчувальным да захворвання COVID-19», — гаворыцца ў рэкламе.