У новым падарожжы Юрый Жыгамонт расказаў пра вёску Лецяшын на Клеччыне і паказаў, як тут жылі паны Чарноцкія ВІДЭА
Вёска Лецяшын, што ў Клецкім раёне, сустракае падарожнікаў велічнымі дубовымі прысадамі — аднымі з найлепшых у Беларусі. Прысады былі закладзены панамі Чарноцкімі, якія 150 гадоў гаспадарылі ў Лецяшыне. Тут знаходзілася сядзіба Чарноцкіх, была родавая капліца і цудоўны парк. Сёння ў склад Лецяшына ўваходзіць колішняя вёска Чарапы, дзе нарадзіўся грамадскі і рэлігійны дзеяч Васіль Кендыш.