Затрыманне глуханямога праціўніка Лукашэнкі ў Гомелі ВІДЭА
19.06.2020 / 22:32
Асцярожна: шакуючы кантэнт
Сёння каля 21:30 у цэнтры Гомеля падчас «акцыі салідарнасці» супрацоўнікі АМАПа затрымалі глуханямога мужчыну.
На кадрах бачна, што мужчыну нясуць за рукі і ногі чацвёра сілавікоў, той гучна крычыць. Затым бачна, што гамяльчук страчвае прытомнасць, супрацоўнікі АМАПа працягваюць яго несці ў аўтазак.
У мужчыны ў аўтамабілі адбыўся прыступ эпілепсіі. Праз некаторы час яму ўсё ж выклікалі хуткую.