Сайт «Народнай волі» недаступны. Магчымы ўзлом
Раніцай 6 верасня сайт інфармацыйнага рэсурсу «Народная воля» перастаў адкрывацца. Пры спробе пераходу ў карыстальнікаў з антывірусам з'яўляецца надпіс: «Заблакаваны вэб-адрас, які можа быць выкарыстаны зламыснікамі для нанясення шкоды камп'ютару і персанальным даным, або рэкламны сайт». Альбо ж адбываецца пераадрасацыя на іншы рэсурс.
Як піша «Народная воля» ў сваім Telegram-канале, папярэдняя ацэнка сітуацыі — узлом. Рэдакцыя высвятляе, на якім узроўні, ці была атака накіравана канкрэтна на «Народную Волю».
Аператыўная інфармацыя будзе пакуль у Telegram-канале.