Еўрасаюз увёў санкцыі ў дачыненні да Аляксандра Лукашэнкі і яшчэ 14 чыноўнікаў
Віктар Лукашэнка (справа) і Лідзія Ярмошына на сустрэчы «актыву» з Аляксандрам Лукашэнкам. Скрыншот з відэа.
Еўрасаюз пашырыў санкцыйны спіс па Беларусі і ўвёў абмежаванні супраць Лукашэнкі. Пра гэта паведамляе агенцтва Bloomberg.
Пад санкцыі акрамя Лукашэнкі трапілі яшчэ 14 беларускіх чыноўнікаў. Абмежаванні прадугледжваюць забарону наведвання краін ЕС і замарожванне еўрапейскіх актываў.
Санкцыі таксама ўведзены ў дачыненні да Віктара Лукашэнкі, Ігара Сяргеенкі, Івана Церцеля, Рамана Мельніка, Івана Наскевіча, Аляксея Волкава, Сяргея Аземшы, Андрэя Смаля, Андрэя Паўлючэнкі, Ігара Бузоўскага, Наталлі Эйсмант, Сяргея Зубкова, Андрэя Раўкова і Пятра Міклашэвіча.