Севярынец у турме намаляваў партрэт сына ФОТА
Пра гэта паведаміла ў фэйсбуку яго жонка Вольга. Нагадаем, Паўла ў маі асудзілі да сямі гадоў зняволення.
Фота з фэйсбука Вольгі Севярынец
«Паша больш-менш у норме, наколькі гэта магчыма ў турме. Піша працяг рамана, складае хрысціянскую віктарыну, адпісвае лісты. Учора ён даслаў Францішку ліст з партрэцікам, у іх асобная перапіска, Францішак малюе тату малюнкі, Паша яму машынкі і піша неверагодна пяшчотныя лісточкі ад таты сыну. Як сын падрасце, будзе перачытваць іх і ганарыцца сваім татам яшчэ больш», — напісала яна
Вольга таксама дадала, што днямі стане вядомая дата апеляцыйнага суда. Сам суд і перавод у калонію мусіць адбыцца на працягу найбліжэйшых месяцаў. Да таго часу Павел будзе заставацца ў Магілёве.
Яна просіць пісаць лісты, не забывацца.