Міліцыя затрымала семярых мінчукоў, якія размалявалі 80 цюкоў саломы чырвонымі палосамі
Скрыншот відэа МУС
Уначы 1 верасня ў Дзяржынскі РАУС паступіў сігнал ад відавочцаў: нейкая кампанія ля трасы М1 размалёўвала спакаваныя стагі саломы, паведамляе прэс-служба міліцыі.
Затрымалі сем чалавек, у якіх знайшлі балончыкі з чырвонай і чорнай фарбай. Яны размалявалі 82 цюкі чырвонымі палосамі, а таксама малявалі на іх насякомае.
Распачата крымінальная справа за злоснае хуліганства, паведамляе прэс-служба МУС.