У Босніі 72-гадовы мужчына пабудаваў для жонкі дом, які круціцца, каб у яе быў разнастайны від з акна
Мужчына распавёў, што стаміўся ад скаргаў жонкі і бясконцага рамонту.
«Я сказаў: «Пабудую табе дом, які верціцца, круці яго як хочаш», — дадаў ён. На поўнай хуткасці дом здзяйсняе абарот за 22 секунды.
На рэалізацыю праекта сышло шэсць гадоў. Падчас пабудовы мужчына трапіў у бальніцу з сардэчным прыступам. «Я папрасіў дактароў паспрабаваць падоўжыць маё жыццё, таму што ўвесь праект у маёй галаве, ніхто не даведаецца, як яго завяршыць», — распавёў ён.