Заснавальнік Symbal.bу Павел Белавус арыштаваны яшчэ на 13 сутак
Павел мусіў выйсці з Акрэсціна 3 снежня ў 15:40, але гэтага не адбылося.
Cёння Белавуса судзілі па арт. 19. 1 КаАП (дробнае хуліганства). Суд Ленінскага раёна пастанавіў пакараць Паўла 13-сутачным арыштам. Агулам за кратамі ён правядзе 28 сутак, паведамляюць праваабаронцы.
Нагадаем, 19 лістапада суддзя Ленінскага раёна Юлія Шут арыштавала Паўла Белавуса па ч. 1 арт. 24.23 КаАП на 15 сутак арышту.