Відавочца здарэння на Нямізе: Мост рэзка пачаў падаць перад намі
Onliner.by паразмаўляў з відавочцамі здарэння на Нямізе, у выніку якога сёння ўначы рухнуў мост.
МНС
«На вачах усё здарылася. У гадзіны тры ўначы ішлі, спыніліся глянуць, што дарожнікі робяць. Там стаяў маленькі бус і трактар з каўшом. У апоры ў гэты момант тынкоўка абсыпалася, а яны працы нейкія праводзілі побач. І мост рэзка пачаў падаць перад намі.
У гэты час пад ім хлопец ішоў, добра хоць без слухавак, дакрычаліся да яго, ён паскорыўся так добра. Потым яму паціснулі руку, з другім днём нараджэння павіншавалі.
Затым пабеглі наверх з таварышам машыны тармазіць. Міліцыянты хутка сцямілі, што да чаго, дасталі стужку, мы яе нацягнулі сяк-так, яны машыну папярок паставілі. ДАІ, па маіх адчуваннях, перакрыла рух хвілін праз 20, не раней».