Віцэ-мэр Марыупаля: Пад расійскімі абстрэламі загінулі як мінімум 1200 мірных жыхароў
Па словах намесніка мэра горада Сяргея Арлова, сапраўдная колькасць загінулых можа быць «у тры ці чатыры разы большай».
«Лічбы сапраўды жудасныя. Учора мы пацвердзілі 1207 ахвяр… забітых у выніку абстрэлаў», — сказаў Арлоў Сі-Эн-Эн.
Марыупаль — адна з найбольш пацярпелых частак Украіны, дзе з-за няспынных расійскіх бамбардзіровак былі адключаныя вода- і электразабеспячэнне. З-за бамбёжак немагчыма падлічыць сапраўдную колькасць ахвяр. Па словах Арлова, загінулых будуць хаваць у брацкіх магілах, каб прыбраць трупы з вуліц.
Нягледзячы на дамоўленасць пра спыненне агню для эвакуацыі мірнага насельніцтва, абстрэлы працягваюцца.
Сёння ў Марыупалі абстралялі радзільню і дзіцячую бальніцу.