Лукашэнка звольніў пасла Беларусі ў Польшчы
Аляксандр Лукашэнка зняў з пасады пасла Беларусі ў Польшчы Уладзіміра Чушава. Адпаведны ўказ апублікаваны на Нацыянальным прававым інтэрнэт-партале.
Уладзімір Чушаў
Пасаду пасла Беларусі ў Польшчы Уладзімір Чушаў займаў з сакавіка 2019 года. Але паўнавартасна працаваць ён не мог ужо паўтара года, бо ў кастрычніку 2020 года Польшча і Беларусь узаемна адклікалі паслоў: пасол Польшчы ў Беларусі Артур Міхальскі, гэтак жа, як і пасол Беларусі ў Польшчы Уладзімір Чушаў, з'ехалі «для кансультацый». Гэта адбылося на фоне абвастрэння адносін паміж краінамі пасля прэзідэнцкіх выбараў 2020 года.
Беларусь у Польшчы з таго часу прадстаўляў павераны ў справах пасольства Беларусі ў Варшаве.