Французскі агурковы халодны суп для спякотнага дня
«Французскі агурковы халодны суп можа спатрэбіцца ў той трагічны гарачы момант, калі халаднік (гэта святое) і гаспача (гэта іспанскае) канчаткова надакучылі». Рэцэптам падзялілася ў Facebook архітэктарка Юлія Шастак.
Фота: julija.szastak / Facebook
Вам спатрэбіцца:
4 агуркі,
зеляніна,
часнок,
350 г несалодкага ёгурту,
400 г гатаванай вады,
соль,
перац,
сталовая лыжка аліўкавага алею,
сталовая лыжка лімоннага соку.
Надраць на тарцы агуркі, змяшаць з пасечанай зелянінай, здробненым часнаком. Заліць узбітай у блэндары сумессю з несалодкага ёгурту, солі, перцу, гатаванай вады. Дадаць па сталовай лыжцы аліўкавага алею і соку лімона.
Разліць па порцыях, упрыгожыць кавалачкамі брынзы і агурка.