Мэрыем Герасіменка абвінавачваюць у данаце на «Байрактар» для Украіны
Праўладныя каналы пракаментавалі затрыманне спявачкі. Паводле іх, Мэрыем «была даўно на кантролі беларускіх сілавікоў і частку даходу, які яна атрымлівала ад сваёй дзейнасці, накіроўвала на патрэбы УСУ, у т.л. прыняла ўдзел у спансаванні Украіны для набыцця БПЛА Bayraktar TB2».
Увечары 3 жніўня на тэрасе бара «Слоікі-бутэлькі» на Зыбіцкай у Мінску прайшоў вулічны канцэрт спявачкі Мэрыем Герасіменка. Сярод песень, якія выканала спявачка, былі і творы ўкраінскага гурта «Акіян Эльзы» — як мінімум трэк «Обіймі». Гэта абурыла прапагандыстаў. Сёння з'явілася інфармацыя пра затрыманне дзяўчыны.