У сеціве з’явілася відэа, на якім прэм’ерка Фінляндыі адрываецца на хатняй вечарынцы. Ёй давялося апраўдвацца ВІДЭА
Санне Марын давялося тлумачыць, што на апублікаваных відэа яна не была пад уздзеяннем наркотыкаў, таксама яна дадала, што ёй няма чаго хаваць.
«Я танчыла, спявала, святкавала, займалася законнымі рэчамі… Я не ўжывала наркотыкі, акрамя алкаголю нічога не ўжывала», — сказала Марын, дадаўшы, што піла лёгкі алкаголь.
Яна таксама сказала, што гэта асабістыя відэа, і яна не думала, што яны патрапяць у адкрыты доступ. «Я ведала, што мяне здымаюць, але верыла, што іх не апублікуюць», — адзначыла Марын.