Прэм’ерка Фінляндыі Сана Марын здала тэст на наркотыкі
Пасля скандалу з відэа апазіцыйныя палітыкі пачалі патрабаваць, каб яна прайшла тэст. Нагодай для гэтага стала неаднаразовае ўжыванне слова jauhojengi («мучная банда»).
Марын настойвае, што нічога, акрамя лёгкага алкаголю, яна не ўжывала на вечарынцы, відэа з якой трапіла ў сеціва, і што свае паводзіны заганнымі не лічыць. Чыноўніца падкрэслівае, што яна мае права на прыватнае жыццё, як і любы грамадзянін.
«Для маёй уласнай абароны, хаця я лічу патрабаванне неабгрунтаваным, каб ачысціцца ад падазрэнняў, я сёння прайшла тэст на наркотыкі… Хацела б я, каб мы жылі ў грамадстве, дзе майму слову можна было давяраць», — заявіла яна журналістам.