Амерыканскі генерал: Калі Масква выкарыстае ядзерную зброю ва Украіне, ЗША нанясе «знішчальны ўдар» па расійскай арміі
Генерал-лейтэнант у адстаўцы Бен Ходжэс, былы камандуючы арміяй Злучаных Штатаў у Еўропе, папярэдзіў, што ЗША нанясуць у адказ «знішчальны ўдар» па расійскіх вайскоўцах, калі Уладзімір Пуцін прыменіць ядзерную зброю ва Украіне. Ён сказаў пра гэта ў інтэрв'ю Daily Mail.
Бен Ходжэс
Любы адказ Амерыкі, паводле генерала, «можа не быць ядзерным», але калі Пуцін прыменіць ядзерную зброю ва Украіне, то ЗША могуць паспрабаваць «знішчыць Чарнаморскі флот або расійскія базы ў Крыме».