У Дагестане зноў пачаліся акцыі супраць мабілізацыі
Пра тое, што ў Дагестане зноў успыхнулі акцыі супраць мабілізацыі, піша телеграм-канал «Утро Дагестан».
У прыватнасці, у Махачкале на плошчы пачалася масавая бойка. Пратэсты праходзяць таксама ў Хасавюрце.
Напярэдадні пратэстоўцы супраць мабілізацыі перакрылі трасу Хасавюрт-Махачкала каля вёскі Эндзірэй, а паліцыя страляла ў паветра, спрабуючы разагнаць нязгодных з мабілізацыяй.
Па звестках рэсурса «Тут Дагестан», у вёсцы Эндзірэй прызвалі на вайну ва Украіне 110 чалавек. «Людзі выйшлі каб абараніць сваіх сыноў, братоў і мужоў», — адзначае рэсурс.