Прадстаўнікі рэдакцыі «Прессбол» абверглі інфармацыю пра звальненне журналіста праз адміністрацыйны арышт
Прадстаўнікі рэдакцыі газеты «Прессбол» звязаліся са службай маніторынгу БАЖ і запэўнілі, што не збіраюцца звальняць Андрэя Ільеню за тое, што той адбываў адміністрацыйны арышт.
Андрэй Ільеня
Па іх словах, журналіст па-ранейшаму застаецца ў штаце рэдакцыі, піша служба маніторынгу Беларускай асацыяцыі журналістаў.
Напярэдадні з'явілася інфармацыя, што Беларуская федэрацыя футбола, якая валодае кантрольным пакетам акцый спартыўнай газеты «Прэсбол», разрывае кантракт з карэспандэнтам Андрэем Ільенем. Раней журналіст быў пакараны адміністрацыйным арыштам за «пікетаванне ў сацсетках».