У Беларусі з'явіцца яшчэ адна айчынная вакцына ад кавіду. Гэтым разам у таблетках
Ідзе распрацоўка беларускай вакцыны ад каранавіруса ў таблетках. Пра гэта распавёў кіраўнік Акадэміі навук Беларусі Уладзімір Гусакоў у эфіры «Беларусь 1». Навукоўцы плануюць завяршыць яе ўжо ў канцы 2022 года.
Беларуская вакцына ад каранавіруса павінна выйсці ў вытворчасць у 2023 годзе. Па словах Гусакова, ужо зроблены першыя серыі прататыпа, праведзены даклінічныя выпрабаванні — для гэтага ў НАН створаны Цэнтр эксперыментальнай і прыкладной вірусалогіі, дзе распрацоўваюцца новыя лекі і БАДы.
Кіраўнік Акадэміі навук лічыць, што гэта сенсацыйная распрацоўка.
«Мы паказалі, што мы здольныя стварыць вакцыну разам з расійскімі, кітайскімі распрацоўкамі. Яна ўжо прайшла клінічныя выпрабаванні і паказала сваю высокую каштоўнасць і значнасць не горш за замежныя ўзоры».