Аэравыведка палка «Пагоня» ўвайшла ў склад палка Каліноўскага
Пра ўваход аэравыведкі палка «Пагоня» ў склад палка Каліноўскага паведаміла прэс-служба апошняга.
Скрыншот з відэа палка «Пагоня»
Паводле афіцыйнага паведамлення:
«Каманда аэравыведкі падраздзялення «Пагоня» ўвайшла ў склад палка імя Кастуся Каліноўскага, што з'яўляецца чарговым крокам да аб'яднання ўсіх беларускіх добраахвотнікаў і да стварэння беларускага вызвольнага войска».
Падрабязнасці пакуль не паведамляюцца.
Нагадаем, што пра пашырэнне «Пагоні» падраздзяленнем авіявыведкі паведамлялася ў жніўні. Байцы далучыліся да палка ў складзе першай асобнай брыгады спецпрызначэння імя Івана Багуна Сухапутных войскаў УСУ.