Лукашысты разбілі галаву мужчыне за беларускую налепку на аўто
За налепку з нацыянальным сцягам жорстка выцягнулі з машыны і затрымалі.
Фота з відэа сілавікоў
Напачатку відэа відаць, што нехта здымае на відэа налепку са знакам BY у нацыянальных колерах. Пасля гэтага ідуць кадры жорсткага затрымання мужчыны — яго брутальна выцягваюць з машыны і кідаюць на асфальт. Увесь гэты працэс здымаецца на відэа.
На відэа з допыту мужчыны відаць, што ў яго рассечаны лоб.
Магчыма, мужчыну зваць Павел Крывуля і яму 38 гадоў. Яго затрымлівалі ў 2020 годзе, але за што — невядома. Мужчына мае ІП, займаецца апрацоўкай металічных вырабаў.