Тэлепрапагандыстам даюць дадатковую субсідыю з бюджэту
Пастановай Савета міністраў № 571 ад 3 лістапада прадугледжана вылучэнне дадатковай субсідыі з дзяржаўнага бюджэту для тэлеканалаў АНТ і СТБ.
Усяго на карысць ЗАТ «Другі нацыянальны канал» (АНТ) і ЗАТ «Сталічнае тэлебачанне» (СТБ) вылучаюць 1,112 млн рублёў. Крыніца дадатковых сродкаў на падтрымку прапагандыстаў — «за кошт змяншэння выдаткаў рэспубліканскага бюджэту на абслугоўванне знешняй пазыкі», гэтыя выдаткі паменшыліся дакладна на такую самую суму.