Адбываюцца ператрусы ў прадстаўнікоў непрызнанага ўладамі Саюза палякаў Беларусі
Пра гэта паведаміў прадстаўнік арганізацыі Марэк Занеўскі.
«На гэты момант ідуць ператрусы ў кватэрах старшыні рады СПБ Ірэны Валюсь і віцэ-прэзідэнта Рэнаты Дземянчук. Тэлефоны актывістаў не адказваюць», — напісаў ён у фэйсбуку.
Сёння стала вядома, што пракуратура хоча ліквідаваць кампанію, якая «незаконна ажыццяўляла дзейнасць Саюза палякаў».
Таксама распачата крымінальная справа паводле арт. 193-1 КК за незаконную арганізацыю дзейнасці грамадскага аб'яднання і ўдзел у ім.